有關買保險問題

我大部份時候對保險佬係絕無好感，但今日我要叫大家買保險，仲要幫你身邊的人買。

事源家人早前有疑似隠疾，須接受進一步檢查。甫一接到消息，當然計畫如果最壞情況有如何安排，首先，如果靠政府，要等到七月先可以檢查，私人檢查則要幾萬，如果要拖手術，醫療費可能達到十幾萬。後因人事關係安排昨日檢查，結果令大家如釋重負。

因朋友間的家人有些不幸事，我早前為我自己的危疾保險加額，生怕touchwood有日我有事，家人都不有經濟問題。今次的事件後，我諗我要為家人都買類似的保險。

今日香港政府提供一定醫療服務，但問題是你要等、要排、藥物得要較次等，偏偏應付危疾是不能等、不能排、藥要用最好的。政府日日都話人口老化、未來醫療開支超大之類的論調，你都唔好寄望在政府那裡得到什麼依靠。

所以，你要買保障，買俾自己的和買俾家人的，都要買！